Hver er ástæðan fyrir fermingarveislum?
Af hverju í ósköpunum heldur fólk og sækir fermingarveislur? Ástæðan fyrir því að þær eru haldnar er vafalaust sú að krakkaskrattana langar í gjafir.Auk þess líta foreldrar og forráðamenn á það sem sjálfssagða kurteisi að bjóða fólki í svona samsæti.Og ástæðan fyrir því að fólk sækir þetta er ýmist skyldurækni eða aðrar persónulegar ástæður.
Ég fyrir mitt leyti mæti í fermingarveislur til að éta brauðtertur.Ég er sólgin í brauðtertur.Og í dag var mér einmitt boðið í fermingarveislu,og hugsaði ég mér því gott til glóðarinnar.En hvað mætir þá ekki augum vorum er komið var á staðinn? Marsípanterta!
Marsípan? Ég hata marsípan! Ég minnist í því sambandi ummæla minna um mína eigin fermingarveislu sem voru eitthvað á þessa leið: Ég sat þarna eins og dæmdur morðingi og át marsípan. Og hverslags orð er marsípan? Og svarið er: Ekki orð,heldur orðskrípi!
Prófið bara að skrifa þetta svona fimm sinnum,þetta er martröð. En svo ég haldi nú áfram.Þarsem mig langaði hreint ekki í marsípan fékk ég mér súkkulaðiköku.Þá fyrst er ég hafði sest niður og var að stinga upp í mig fyrsta bitanum áttaði ég mig á mistökum mínum.Ég hafði nefnilega nær ekkert étið í allan dag NEMA súkkulaði.Það gekk þá ekki lengra,og át ég ekki meira í þeirri veislu.
Mér til mikillar örvæntingar bíður mín önnur fermingarveisla á fimmtudaginn,og er ég strax farin að kvíða fyrir.En nú er ég farin,pabbi er farinn að efla til illinda við nágrannana.Ætla aðð reyna að afstýra stórslysi.
Ragga